خالى توفى من 6 سنين بمرض ورم فى القولون و حاليا والدتى مصابة بنفس المرض و عملت عملية شالت الورم و بتتعالج دلوقتى بعلاج كيماوى و فاضلها شهر و تخلصه .. والدتى حلمت انها فى بيت والدتها و كانت عايزة تاخد حقنة مع العلم ان خالى كان دكتور فا كانت عايزاه يديهلها و كانت مراته جاية تدى والدتى الحقنة لكن والدتى مكنتش عايزاها هى اللى تديهلها علشان خالى احسن لانه دكتور و قالت لمامتها تديهلها قبل ما مرات خالى تيجى علشان متقولهاش انها مش عايزاها هى اللى تديهلها و تزعل منها بعدين جيه خالى و اداها الحقنة و موجعتهاش و قالتله تسلم ايدك يا دكتور .. بعدها بشهر حلمت تانى بيه كان سايب دقنه و هو فى العادى مكنش بيسبها و حضنته جامد و قالتله وحشتنى اوى و كانت خالتى بطنها تعبانة و بتكشف فا والدتى قالتله ان اختهم بتكشف بس انشاء الله مش هيكون عندها حاجة ولا ايه راح سكت و شاور لها بأيده اشارة بما معناها انه مش اكيد يطلع معندهاش حاجة مع العلم ان خالتى اوقات بطنها بتكون وجعها بس خايفة تكشف يكون عندها نفس المرض لانه وراثة فى العائلة و منتشر فيها .. ياريت اعرف تفسير الحلمين و هل لهم علاقة ببعض
